انشودة يا طير الطاير

ياطير الطاير يارايح عالديــره
عليك عيوني وتصونك عين الله
والله يامسافر شعلانه هالغيـره
فلسطين بلادي حلوه يا ماشالله

ميـّل عــصفد حـوّل عــطبريـه
لعكـا وحيفا سلّـم عـبحرهــا
ماتنسى الناصره هالقلعه العربيه
بشرلي بيسان برجعة أهلها

على جنينِ وخدلي من مرجها
سلام لنابلس .. طولكرم وترابا
ناتنيا ليافا واشرب من ميّتهـا
رمـلـه ورام الله وماتنسى الناقوره

على عفوله وبيت لحم حوّلي
على الخليل وهدي بكرمها
في بير السبع عــ الربع سلملي
تحيا أريحا بنخلها وكرمها

وامرق عــ غزه وبوسلي رملهــا
أهلها نشامه ورجالا جبــاره
والقدس الحره والأقصى علمها
إن شالله ياربي تجمعنا في ديارا ..

فلسطين ..
فلسطين ..

فلسطين يا أمي ويا روحي
فلسطين بيكفيكِ جروحِ
فلسطين
ماتذلي وماتهوني
فلسطين
يادوا لجروحي
فلسطين
كرمالك بنقاتل
والأحرار عــ ترابك قوافل
شعبك صار بأعلى المنازل
بالرايات لوحي يما لوحي

فلسطين..

عــواصف هبينا
بالإصرار عالجمر عدينـا
بوجه الموت وقفنا تحدينا
بعطر الدم يابلدنا فوحي

فلسطين
يادوا لجروحي.

بسم الله الرحمن الرحيم

بورك بك اخي وجزيت الجنان ان شاء الله

هذي فلسطين القلب والروح
من يافا وحيفا الى جنين وغزة والقدس وكل الارض السليب لها منا الف الف سلام ..

» انشودة يارجال دعوتنا
» أول انشودة لوحدة القنص القسامية (روعة)